TNTJ புதுமடம் கிளை - நபி வழி திருமணம்!

TNTJ புதுமடம் கிளை - நபி வழி திருமணம்! 

அல்லாஹ்வின் மாபெரும் கிருபையால் இராமநாதபுரம் மாவட்டம் புதுமடம் கிளையில் நபிவழித் திருமணம் 16/08/2013 (நேற்று)  ஜும்மா தொழுகைக்குப் பிறகு நடைபெற்றது.

 

இத்திருமணம் புதுமடத்தில் இதுவரை நடை பெறாத அளவில் மிகவும் எளிமையாகவும் ,மற்ற திருமணத்தில் நடக்கும் அலங்காரம் , வீண்விரையம் , குதிரை சவாரி, ஊர்வலம் ..

போன்ற அனாச்சாரங்கள் இல்லாமல் நடைபெற்றது. (புகழனைத்தும் அல்லாஹுவுக்கே....!) 

 

இதில் சகோ: அமினுல்லாஹ் (TNTJ மாவட்ட தாயி) அவர்கள் நபிவழித் திருமணம் பற்றிய தெளிவான குர்ஆன் ஹதீஸ் அடிப்படையில் உரையாற்றினார்கள். பின்னர் பொதுவான இரண்டு சாட்சியங்களுடனும் மணமகன் மற்றும் மணமகள் ஒப்புதலுடனும் எளிமையான முறையில் திருமணம் நடைபெற்றது. மணமகன் மஹராக 4 பவுன் தங்க கொலுசை மணமகளுக்கு கொடுத்தார். இதில் அதிகமான சகோதரர்கள் கலந்து கொண்டார்கள் மற்ற திருமணங்களில் நடக்கும் இறைதூதர் (ஸல்) காட்டி தராத துஆக்களை புறக்கணித்து. . .

  

நபி (ஸல் ) காட்டி தந்த (பாரகல்லாஹு லக்க) துஆவை ஒவ்வொருவரும் மணமக்களுக்காக பிராத்தித்தார்கள். இறுதியாக ஒவ்வொருவரும் சபையை விட்டு கலைந்து செல்லும் துஆ ஓதியவர்களாக கலைந்து சென்று மணமகன் இல்லத்தில் வலிமா விருந்து வழங்கப்பட்டு வீண்விரையம் தவிர்க்கப்பட்டது . அல்ஹம்துலில்லாஹ்!